İrandan Qətərin ətrafında baş verən hadisələrə münasibət
Posted on : Tarix 10/16/2017 1:00:27 PM
İran Qətərin ətrafında baş verən hadisələrə görə narahatlığını bildirib
İranın Xarici İŞlər Nazirliyinin sözçüsü Bəhram Qasimi İran İslam Respublikasının Fars Körfəzi ölkələrində bəzi qonşuları arasında baş verən proseslərdən narahat olduğunu bildirib və deyib ki, ümid edirəm bu problem öz həllini tezliklə tapacaq. “İfratçılıq və terrorizm böhranı geniş yayıldığı, sionist İsrail rejimi Fələstin torpaqlarını işğalı davam etdirdiyi bir vaxtda regionda və dünyadakı mövcud durumu nəzərə alaraq qonşu ölkələrin əlaqələrinin gərginləşməsi heç bir dövlət və xalqın xeyrinə deyil. İran ixtilaf yaranmış qonşu ölkələrdən istəyir ki, tədbirli və ağılla davransın və gərginliyi azaltmağa və təmkinli olmağa çalışsınlar”.
B.Qasimi deyib ki, regionda ölkələr arasında, o cümlədən bu ölkəlkərin Qətərlə olan ixtilafının həll yolu tərəflərin siyasi danışıqları və dinc şəraitdə mümkündür. Sanksiya kimi vasitədən istifadə bu günki gündə yaramaz, bəyənilməyən və qəbul olunmazdır.
Müstəqil ölkələrin ərazi bütovlüyünün qorunması və onların daxili işinə müdaxilə etməmək və sərhədlərə hörmətlə yanaşmaq beynəlxalq hüquq və qanunların əsas prinsiplərindədir ki, bütün tərəflər buna hörmətlə yanaşmalıdır.
