Ərəbistanlı ata iki azyaşlı oğlunu İŞİD terrorçularınabağışladı
Posted on : Təhlil 10/16/2017 12:59:30 PM
ABŞ-ın İraq kürdlərinə silah göndərəcəyini açıqlamasından sonra Fransa da kürdlərə silah yardımı edəcəyini bəyan edib
Fransa Prezidentini mətbuat xidmətinin yaydığı məlumata görə, İraqdakı kürdlərin tələbi nəzərə alınıb və reşmərgələrə istədikləri silahın yollanmasına qərar verilib. APA TV-nin xəbərinə görə, ölkə prezidenti Fransua Olanda da bu qərarı təsdiqləyib. Bu məsələ Almaniya hökumətnin də gündəmindədir. Ölkənin müdafiə naziri silah göndərilməsinə tərəfdar olsa da, iqtidar koalisiyasındakı bəzi partiyalar bu addımı dəstəkləmir. İŞİD terrorçularının zülmündən qaçaraq, Türkiyəyə sığınan yezidilərin isə sayı gündən-günə artır. Şırnak vilayətində onlar üçün nəhəng qaçqın düşərgəsi salınıb. Yezidilər 500-ə yaxın qadın və qızın İŞİD tərəfindən qaçırıldığını, onların ərəb ölkələrinə aparılaraq, təxminən 5 min dollara satıldığını deyirlər. Bu arada Səudiyyə Ərəbistanından olan bir kişi iki azyaşlı oğlunu İŞİD-ə təslim etmək qərarına gəlib. İddialara görə, o, Türkiyədən keçərək Suriyaya gedib və oğlanlarını kamikadzelik etmələri üçün İŞİD-ə təhvil verib. Həmin şəxs arvadına uşaqlarını tətilə apardığını deyərək, uşaqlarını evdən çıxarıb. O, sosial şəbəkədə paylaşdığı şəklin altında "uşaqların Allah yolunda şəhid olmaq üçün yola çıxdı" deyə yazıb. Səudiyyə Ərəbistanı azyaşlıların tapılması üçün Türkiyədən yardım istəyib.