"Ayətullah Xameneinin üzərində Allahın lütfü var və onu dünyanın siyasətçiləri, hətta alimləri ilə müqayisə etmək olmaz" - Ayətullah Misbah Yəzdi.
İmam Xomeyni (r) Təhsil və Araşdırma İnstitutunun rəisi Ayətullah Misbah Yəzdi müqavimət cəbhəsi üzvləri ilə görüşdə Cənab Rəhbər Ayətullah Xameneinin sağlamlıq durumuna şükür edərək qeyd edib: "Mən Böyük Rəhbərin vücudundan üstün nemət tanımıram. Onun kamillikləri kimsəyə gizli deyil. Hər gün onun kamalından yeni cilvələrə şahid oluruq. Bir çox ilahiayələrdən aydın olur ki, Allah öz bəndələrinin ixlaslı, səmimi şükrünü sevir. Hansı ki, Allahın bu şükrə ehtiyacı yoxdur."

Ayətullah Misbah sözünə belə davam edir: "Bəzən bir neçə dəqiqəlik söhbətində neçə-neçə hikmət olur. Söz və rəftarlarına baxdıqda aydın olur ki, o "və əyyədəhum biruhin minhu" (özündən onlara ruh vermişdir) ayəsinin bariz nümunəsidir. Cənab Rəhbərin üzərində Allahın lütfü var və onu dünyanın siyasətçiləri, hətta alimləri ilə müqayisə etmək olmaz."

Xibrə məclisinin üzvü Ayətullah Misbah insandakı nöqsanlara işarə ilə deyib: "Bəzən insan qəflət səbəbindən bəzi vəzifələrinə əməl etmir. Bəzən də alim şəxsiyyətlər dünyaya bağlılıq səbəbindən öz məsuliyyətlərini yerinə yetirmirlər."

Ayətullah Misbah həzrət Əlinin (ə) həyatına işarə ilə deyib: "Nəhcül-bəlağədə dünya məzəmmət olunur. Həzrət Əli (ə) bizə dünyadan çəkinməyi tövsiyə edir. Biz dünyadan çəkinirik, yoxsa şöhrət və sərvət ardıncayıq?"

Qum Elm Hövzəsinin əxlaq ustadı Misbah Yəzdi dünyapərəstliklə mübarizəni isar və güzəştə çatmaqda bir məşq adlandıraraq deyib: "Biz elə rəftar edirik ki, sanki kiçik zəhmətlərimiz müqabilində inqilabdan gözləntimiz var."

"Cənab Rəhbər isə bir dövlət xəstəxanasında və başqalarına mane olmayacağı sübh vaxtı əməliyyat olundu. Bu şəxs Əli (ə) məktəbinin şagirdidir. Həyatını qurmaq üçün tanışlıqlardan yararlanmır."

Ayətullah Misbah deyir: "Problem onda yaranır ki, insan doğru yolda mübarizə aparır, amma yolun ortasından geri dönür. Bu çox pisdir. Belə insan təkcə özünü bədbəxt etmir, başqalarına da dil verir. Agah alimlərin və şəxslərin vəzifəsi ağırdır. Özünü vilayətə bağlı sayanların məsuliyyəti böyükdür."

Ustad Misbah deyir: "Əli məktəbinin şagirdi bir işi vəzifə saysa, onu yerinə yetirir, şirnikdirmə və hədələr onun iradəsini dəyişmir. Bunun bariz nümunəsi İmam Xomeyni (r) idi. Ömür boyu mənfəət xatirinə vəzifəsindən əl çəkmədi. And içmişdi ki, ömür boyu kimdənsə qorxmayıb. Bu insanlar belədir. Çünki axirətə, hesab-kitaba həqiqətən inanıblar. Etiqadlarımızı gücləndirməli, əməldə çalışmalıyıq.