İran İslam İnqilabı Lideri Ayətullah Xamenei Avropada Fəaliyyət Göstərən İslami Tələbə Dərnəkləri Birliyinin 53-cü iclasına mesaj göndərib.

Tashaio.com xəbər verir ki, Ayətullah Xamenei mesajında, iranlı tələbələrin dünyanın harasında olurlarsa olsunlar, ölkəni əcnəbilərdən müstəqil hala gətirəcəklərini, bunun da Allah yolunda cihad sayıldığını ifadə edib.

Hamburqda təşkil edilən iclasın açılışında oxunan mesajda Ayətullah Xamenei iranlı tələbələri ölkənin ən üstün ümidləri olaraq xarakterizə edib.

Ali Lider mesajında halı hazırda ölkədə dünənin tələbələrinin böyük xidmətlər göstərməklə məşğul olduqlarını və vətənə xidmət duyğusunu bütün mənlikləri ilə hiss etdiklərini ifadə edib.