Səudiyyə rejimi şiə din alimi barəsində edam cəzası çıxardı
Posted on :
Digər sahələr
10/16/2017 12:59:32 PM
Səudiyyə Ərəbistanının rejimi şiə din xadimi Şeyx Nimr Baqir ən-Nimr edam cəzasına məhkum edib
Bu barədə şiə aliminin vəkili Sadiq Əl-Cibran öz Twitter səhifəsində yazıb.
Vəkil bildirib ki, edam cəzası haqda hökmü
Ər-riyad məhkəməsi çıxarıb. Rəsmi dövlət qurumları hökmlə bağlı heç
bir açıqlama verməyiblər. Qeyd edək ki, ölkənin tanınmış şiə alimi olan
Nimr 2011-ci ildə Bəhreyndə keçirilən aksiyalarda insanları nümayişə
təhrik etmək, fitnə yaratmaq, təhlükəsizlik qüvvələrinə müqavimət
göstərmək və silahlı insident yaratmaq kimi saxta ittihamlarla həbs
olunub.
O, 2013-cü ildə mühakimə edilib. Şiələrin
kompakt yaşadığı Katif şəhərində 2011-ci ildə keçirilən nümayişlərə
dəstək verən 56 yaşlı din xadimi, oxuduğu cümə xütbələrində şiələrə
edilən təzyiqləri pisləyib.