Liviya sahillərində 50 miqrant boğularaq həlak oldu
Liviya sahillərində 50 miqrant boğularaq həlak oldu
Posted on : Digər sahələr 05/06/2021
Liviya Qızıl Aypara Cəmiyyəti Liviya sahillərində bir qayığın çevrilməsi nəticəsində təxminən 50 miqrantın öldüyünü söyləyib
Tashaio.com Farsnews-a istinadən xəbər verir ki, Liviya Qızıl Aypara Cəmiyyətinin miqrasiya şöbəsinin müdiri Əhməd Mahluf dünən (3 may) Liviyanın şimalındakı Əl-Zəviyyə şəhərinin sahillərində təxminən 50 miqrantın cəsədinin sudan çıxarıldığını elan edib.
O, Əl-Qahirə 24 xəbər saytına verdiyi müsahibəsində, çıxarılan cəsədlər arasında bir neçə Misir vətəndaşı olduğunu söyləyib. Ölənlərin dəqiq sayı hələ məlum deyil.
Ölənlərin qalan hissəsinin digər Afrika ölkələrinin vətəndaşları olduğunu qeyd edən Əhməd Mahluf, cəsədlər arasında valideynlərindən və övladlarından ibarət üç ailənin də olduğunu qeyd edib.
Mahluf, bu insanların Avropa ölkələrinə qanunsuz miqrasiya yolu ilə girməyə çalışdıqlarını da bildirib.