"Deyerler.org"ın parstoday-a istinadən verdiyi xəbərə görə, konvoy yürüşü şəklində baş tutan aksiya zamanı etirazçılar təcavüzkar Səudiyyə rejiminin koalisiyasının Yəmənə hücumlarını və bu ölkənin koalisiya tərəfindən mühasirəyə alınmasını pisləyib. Etiraz aksiyası Ümumdünya Yəmənin Müdafiə Günü münasibətilə Yəmən xalqına həmrəylik bildirmək üçün keçirilib. Etirazçılar Yəməndəki müharibəyə son qoyulmasını və bu ölkəyə qarşı mühasirənin qaldırılmasını və yəmənlilərə təcili olaraq humanitar yardımın çatdırılmasını tələb edib. 25 yanvarda Yəmənin müxtəlif əyalətlərində Ənsarullah hərəkatını dəstəkləyən bir neçə milyonluq nümayiş keçirilib. Nümayiş zamanı nümayişçilər Ənsarullah hərəkatını və onun üzvlərini terrorçu adlandıran keçmiş ABŞ hökumətinin hərəkətlərini pisləyib. Yəmən Ali Siyasi Şurasının üzvü Məhəmməd Əli Əl-Husi, Ənsarullahın “terrorçu” kimi tanınmasına cavab olaraq, Yəmən xalqının ABŞ əleyhinə keçirdiyi genişmiqyaslı nümayişində çıxış edib: "ABŞ bizə deyir ki, biz terrorçuyuq. Biz sizinlə düşmən olduğumuzdan və qorxmağa səbəb olduğumuzdan qürur duyuruq".