İranın prezidenti Həsən Ruhani Nyu-Yorkdan vətənə qayıtdıqda burada jurnalistlərə verdiyi açıqlamasında, Avropa ölkələrinin Aramco neft şirkətinin obyektlərinə kimin hücum etdiyini bilmədiklərini deyib.

Tashaio.com Mehrə istinadən xəbər verir ki, Ruhani bəzi Avropa liderlərinin birgə bəyanat verərək, İranı Aramco obyektlərinə hücum məsələsində ittiham etdiklərini, bu liderlərlə görüşlərində onlara niyə bu ittihamı yönəltdiklərini soruşduğunu və əgər varsa dəlilləri göstərmələrini istədiyini bildirib.

İran prezidenti Avropa liderlərinin yalnız Yəmən ordusunun bu əməliyyatı edə biləcək gücdə olmadığına inandıqlarını deməklə kifayətləndiyini və hücumu kimin etdiyini bilmədiklərini etiraf etdiklərini qeyd edib.

Ruhani Nyu-Yorkda Rusiya və Türkiyə liderlərinin açıq şəkildə bu ittihamın İrana yönəldilməsinin səhv olduğunu söylədiklərini, hər bir halda beynəlxalq birliyin məsələ haqqında maarifləndirilməsinin mühüm bir məsələ olduğunu qeyd etdiklərini bildirib.