Bəhreyn Jurnalistləri Birliyi Bəhreyndə Əhli-Beyt (ə) ardıcıllarına qarşı ayrı-seçkiliyin davam etdiyini qeyd edərək, məhərrəm ayında fəaliyyət göstərən məddahlar və xətiblərə qarşı təzyiqlərin edildiyini bildirib.

Tashaio.com LualuaTV-yə istinadən xəbər verir ki, Bəhreyn Jurnalistləri Birliyi yaydığı bəyanatda, onlarla məddah və xətibin məhərrəm ayındakı fəaliyyətlərinə görə, Ali Xəlifə rejimi təhlükəsizlik qüvvələri tərəfindən sorğu-sual olunduğunu bildirib.

Bəyanatda, həmçinin Ali Xəlifə rejiminin məhərrəm ayında şiə vətəndaşlarının hüquqlarını pozması məsələsinin bir ilk olmadığı və keçən illərdə də sözügedən hüquq pozuntularının baş verdiyi vurğulanıb.

Bəhreyn İnsan Haqları Mərkəzi də dərc etdirdiyi hesabatda, bu il məhərrəm ayının əvvəlindən etibarən Bəhreyn şiə vətəndaşlarının haqlarının 49 dəfə Ali Xəlifə rejimi tərəfindən pozulduğunu bildirib.