"Şiə qardaşlarımız ona "Şəhid İmam" deyirlər. Onun imamətinə  heç bir ağlı başında olan şəxs müxaliflik eləməz və bu, müzakirə mövzusu da deyil. Çünki o, bütün yaxşılıqların imamıdır, qabaqcıldır - təqvada, elmdə, iffətdə öncüldür. Şəhidliyi ilə bağlı da heç bir ixtilaf yoxdur. Allaha and içirəm ki, İmam Hüseyn zülm və haqsızlıqla öldürülərək şəhid edilib", deyə o, bəyan edib.

Salih Meğamisi sonra İmam Hüseynin (ə) qatillərinə lənət oxumaqla sözlərinə davam edib:

"Onun qatilinə Allah lənət eləsin! Onun öldürülməsini əmr edənlərə Allah lənət etsin! Onun öldürülməsinə razı olanlara Allah lənət eləsin!"

Qeyd edək ki, Quba məscidi İslamın ilk məscidi hesab olunur. Rəbul-əvvəlin ilk günü Məkkəni tərk edərək Yəsribə (Mədinəyə) hicrət edən Allah rəsulu (s) və yanında olan səhabələr Quba adlı məntəqədə dayanıb orada gecələyir və burada namaz qılırlar. Həmin bu yeredə İslamın ilk məscidinin əsası qoyulur. 

Bu məscid Mədinə şəhərindən 6 km. aralıda yerləşir. Məkkədən hicrət edən Peyğəmbər (s) təqribən bir həftəyə yaxın bu məntəqədə qalır və İslamı yenicə qəbul etmiş müsəlmanlarla bu məscidi təsis edirlər.

Səcdəgah, yaxud səcdə edilən məkan mənasında olan məscidlərin İslamda xüsusi yeri vardır. Bu xüsusilik özünü həm mənəvi, həm də ictimai fəzada büruzə verir. Beləki məscidlərin İslam şəriətində xüsusi hökümləri vardır. Həmçinin məscidlər və orada qılınan camaat namazları müsəlmanların ictimai vəhdətini qorumaqda mühüm əhəmiyyətə malikdir.

İslamda məscidlərin mənəviyyat və ictimai vəhdət baxımından xüsusi əhəmiyyətə malik olduğunu qeyd etdik. Bu xüsusiyyətdə ən böyük pay ilk təsis edilmş Quba məscidinin payına düşür. Allah Rəsulu (s) bu məscidi daima diqqətində saxlayar, həftədə bir dəfə 6 km. məsafəni ya piyada, yaxudda süvari halda bu məscidə gələr, orda namaz qılardı.

Peyğəmbər (s) Quba məscidində namaz qılmağın fəzilətinə işarə edərək buyurub: Hər kəs evdə dəstəmaz alıb və Quba məscidinə gəlib namaz qılarsa, onun hədiyyəsi bir ümrə savabındadır” (İbn Kəsir. əl-Bidayə vən-Nihayə. C-3. S-210).