Livanın Hizbullah hərəkatının baş katibi Seyid Həsən Nəsrullah şəhid komnadirlərin anım mərasimində video-konfransla çıxış edərək, müqavimətin gücünün hər gün daha da artdığını bildirərək, belə deyib: “Şəhid komandirlərin mirasları və bizim gücümüzün şifrəsi və bu yol davam edəcək”.

Tashaio.com Parstoday-a istinadən xəbər verir ki, Seyid Həsən Nəsrullah ABŞ və İsrail rejiminin keçən illər ərzində istədikləri hər şeyi etdiklərini bildirərək, belə davam edib: “Amerika və İsrail rejiminə qarşı müqavimət balansı əlində saxladığını göstərmişdir və müqavimətin gücü maddiyyatdan daha üstün olan inanc və iradədir. Lazım olduğu qədər düşmənə qarşı müqavimətə davam edəcəyik”.

Seyid Həsən Nəsrullah İranda İslam inqilabının qələbəsinin 40-cı ildönümü yürüşlərində 10 milyonlarla insanın iştirakına da toxunaraq, İranın bu vəziyyətinin həmişəkindən daha güclü olduğunu, və İranın hədələr və sanksiyalara cavab verdiyini, və xalqın iştirakının da İran inqilabının uğurunun göstəricisi olduğunu bildirib.

Hizbullahın baş katibi çıxışında ABŞ-ın təşkilatçılığı ilə Varşavada Yaxın Şərq barədə, əslində isə İrana qarşı keçirilən konfransa da toxunaraq, belə davam edib: “Varşavada Netanyahunu dəstəkləmək və İranı mühasirəyə almaq üçün bir yerə toplaşdılar. Onlar müqavimət qüvvələrini hədəfə alırlar, amma bu mövzu bizi narahat etmir”.

Hizbullahın baş katibi Amerika, İsrail rejimi və müttəfiqlərinin bölgədəki hylələrini açıqlayaraq, belə deyib: “Bu gün biz daha yaxşı mövqedəyik. Bu sammitin birinci məqsədi Fələstin məsələsini unutdurmaq və İran əleyhinə fəaliyyətlərlə digər ölkələrin İsrail rejimi ilə münasibətlərini normallaşdırmağa çalışmaqdır”.

Müqavimətin bölgədə hər gün daha da gücləndiyini və xalqın bütün siyasət səhnələrində qərb hiylələrinə qarşı şüurla səhnədə olduğuna toxunan Seyid Həsən Nəsrullah, bu hiylələrin bir birinin ardınca məğlubiyyətə məhkum olduğunu və təxribatçı konfranslar keçirən və təşkil edənlərə əks nəticələr verdiyini bildirib.