Yəmənin Ali İnqilab Komitəsinin sədri Məhəmməd Əli Əl-Husi Dünya Ərzaq Proqramını Yəmən xalqına xarab ərzaq göndərməkdə ittiham edib.

Tashaio.com Ansarollah-a istinadən xəbər verir ki, Məhəmməd Əli Əl-Husi Dünya Ərzaq Proqramının Ənsarullahın Yəmən xalqına ərzaqların çatdırılmasına mane olması barədə iddialarına verdiyi reaksiyasında, Dünya Ərzaq Proqramının Yəmənə göndərilən xarab ərzağın nəticəsinə görə cavabdeh olduğunu qeyd edib.

Əl-Husi açıqlamasının davamında Dünya Ərzaq Proqramının direktorunun ehtiyaclı insanlara ərzaq maddələri göndərməyi dayandıracaqları barədə təhdidvari açıqlamasından heyrətə gəldiyini qeyd edərək, Yəmən rəsmilərinin bu qurumu məhkəməyə verə biləcəyini bildirib.

Məhəmməd Əli Əl-Husi Dünya Ərzaq Proqramının Yəməndə qıtlıqla mübarizə aparan xalqa yardım etmək məsuliyyətindən qaçmaq istədiyini bildirib.