İranın Hərbi Dəniz Qüvvələrinin komandanı kontr-admiral Həbibullah Səyyari imperializm və ABŞ-ın iranofobiya strategiyası ilə regiona 800 milyard dollar silah satdığını və İslam ölkələrinin sərvətlərini taladığını deyib.

Tashaio.com İRNA-ya istinadən xəbər verir ki, imperializmin İran inqilabından etibarən terror, müharibə, etnik və dini problemlər, sanksiya və mədəni hücum ilə İran dövlətinin qarşısını almağa çalışdığını vurğulayan iranlı komandir, belə danışıb: “İranın bölgədəki gücü İslam mənəviyyatına malik omasına görədir. Biz başqa torpaqları işğal etməyi heç vaxt qarşımıza məqsəd qoymamışıq”.

Düşmənnin iqtisadi və mədəni müharibə ilə ölkədə qeyri-sabitlik yaratmaq istədiyini deyən kontr-admiral Həbibullah Səyyari, belə davam edib: “Düşmən yumşaq müharibə üsulu ilə fikrimizi dəyişdirməyi və başqa bir inqilab etməyimizin qarşısını almağı hədəfləyir. Çünki düşüncə dəyişəndə hərəkət də dəyişir. İmperializm bizim qəyyuma ehtiyacımız olduğunu güman edir. Onlar İran xalqının böyüklüyünü və ləyaqətini görmürlər”.