Yəmən Silahlı Qüvvələrinin sözçüsü son 48 saat ərzində ölkənin Qərb Sahili bölgəsində Səudiyyə rejiminin əsgərlərinin Yəmən qüvvələri tərəfindən ağır zərbə aldıqlarını bildirib.

Tashaio.com Əl-Məsirəyə istinadən xəbər verir ki, Yəmən Silahlı Qüvvələrinin sözçüsü general-mayor Yəhya Sərii keçirdiyi mətbuat açıqlamasında bunları deyib: “Ötən 48 saat ərzində Yəmən qüvvələri Qərb Sahilində Səudiyyə rejiminin xeyli sayda əsgərini zərərsizləşdirərək, onlara məxsus külli miqdarda silah və sursat ələ keçirib”.

Yəmən qüvvələri tərəfindən keçirilən əməliyyatda 180 səudiyyəli əsgərin öldürüldüyü və yaralandığını qeyd edən Yəhya Sərii, onlardan 13-nün Səudiyyə rejimi ordusunun komandiri olduğunu açıqlayıb.

Sözçü son günlər Qərb Sahilində səudiyyəlilərə məxsus 171 zirehli maşının da məhv edildiyini bildirib.