İran İnqilab Mühafizəçilərinin Qüds Qüvvələrinin komandanı Qasim Süleymani ABŞ Prezidenti Donald Trampın İranı hədələmələrinə cavab verib.

Tashaio.com-in İran mediasına istinadən məlumatına görə, Süleymani bu barədə Həmədan şəhərindəki tədbirdə danışıb.

"Bir əsgər olaraq Trampın təhdidlərinə cavab vermək mənim vəzifəmdir", - deyən Süleymani, "əgər o, təhdid dilindən istifadə etmək istəyirsə, mənimlə danışmalıdır, Prezident Həsən Ruhani ilə deyil" söyləyib.

Süleymani həmçinin ABŞ əsgərlərinin Qırmızı dənizdəki mövcudluğundan da danışıb: "Əvvəllər təhlükəsiz olan Qırmızı dəniz ABŞ üçün artıq etibarlı deyil."

Süleymani həmçinin, "Tramp bizim şəhidpərvər xalq olduğumuzu və onu gözlədiyimizi bilməlidir. Biz sizə, siz bildiyinizdən daha yaxınıq", - deyə bildirib.