Tashaio.com-un RİA-ya istinadən verdiyi xəbərə əsasən, ABŞ-ın eks-prezidenti Barak Obama ölkəsinin hazırĞ»ı xarici siyasətini tənqid edərək qeyd edib ki, hakimiyyətdə olanlar “bütün institutlar və normaları sarsıtmaq istəyirlər”.

“Biz qəribə və qeyri-müəyyən zamanda yaşayırıq. Hər bir xəbər silsiləsi daha da başgicəlləndirici və narahatlığa səbəb olan başlıqlar gətirir.”, - deyə Obama Yohannesburqdakı çıxışı zamanı bildirib.

Onun sözlərinə görə, ölkədə “qorxu, narazılıq və durğunluq siyasəti özünə büruzə verməyə və hərəkətə başlayıb”.

“Bu siyasət, bir neçə il öncə təsəvvüredilməz kimi görsənən templərlə irəliləyir. Mən alarmist (hayküyçü) deyiləm, mən sadəcə olaraq faktları qeyd edirəm. Ətrafa baxın: hazırda – seçkilər keçirilən və ya demokratiya görünüşü, demokratiyanın hansısa bir forması izhar olmağa başlayan zamanda güc siyasəti yüksəliş dövrü yaşayır.”, - deyə Obama qeyd edib.

Beləliklə də, Obama Donald Trampın adını birbaşa səsləndirmədən, onu tənqid edib. Obama Trampı birbaşa tənqid etməkdən çəkinir və nadir hallarda onu adı ilə çağırır.