İslamazeri.com Türkiyə mediasına istinadən xəbər verir ki, Şanlıurfa Polisi İŞİD terror qruplaşmasına qarşı əməliyyat həyata keçirib. Əməliyyat zamanı İŞİD-in "Səhiyyə əmiri" kimi tanınan Kefah Bəşir Huseyn və İnterpol xəttilə axtarışa verilən iki nəfər saxlanılıb. Məhkəməyə çıxarılan 14 nəfərdən 13-ü haqqında həbs-qətimkan tədbiri həyata keçirilib.

Xəbər verilir ki,  Türkiyə Kəşfiyyatının əldə etdiyi kəşfiyyat məlumatı əsasında məlum olum ki, Suriyadan Türkiyə ərazisində terror qruplaşmasının üzvləri keçib və Şanlıurfa ərazisində gizləniblər. Bundan sonra keçirilən əməliyyat nəticəsində terrorçular yaxalanıblar.

Mediaya açıqlanan məlumata görə, həbs olunanların 7-sinin Əlcəzair, 2-sinin Suriya, 2-sinin İraq, birinin Hollandiya, birinin Mərakeş əsilli ingilis və birinin də Misir vətəndaşı olduğu önə çəkilir.

İŞİD-in "Səhiyyə əmiri" kimi tanınan Kefah Bəşir Huseynin ibtidai istintaqa verdiyi ifadələr də məlum olub. Məlum olub ki, o Əl-Qaidə terror qruplaşmasının üzvü olub və İŞİD-in təsis edilməsində rolu olub. İxtisasca doktor olan terrorçu sonradan qruplaşmanın "səhiyyə əmiri" vəzifəsinə təyin olunub.