Manamada Bəhreyn-İsrail əlaqələrinə qarşı etiraz aksiyası keçirilib - VİDEO
Posted on : Digər sahələr 10/19/2017
Polis nümayişçilərə qarşı zor tətbiq edib, İsrail əleyhinə tədbirin keçirilməsinə imkan verməyib.
Dünən Bəhreyndə hökumətin İsraillə əlaqələrin normallaşdırılması siyasətinə etiraz olaraq aksiya keçirilib.
İslamazeri.com "Press TV"-yə istinadla xəbər verir ki, polis qüvvələri etirazçılara qarşı gözyaşardıcı qaz tətbiq edib. Etiraz yürüşləri paytaxt Manamanın ətraf ərazisindəki Şəkura küçəsində, eləcə də Əbu-Səbih, Nüveydrə və Məamir rayonlarında baş tutub.
Müxalif "Vəfa" hərəkatının məlumatına görə, etirazçılar Bəhreyn və İsrail rejimləri əleyhinə şüarlar səsləndiriblər. Nümayişdə İsrail və Britaniya bayraqları yandırılıb.
Bəhreynin Milli Demokratik Fəaliyyət Cəmiyyəti (Vəd) isə yaydığı məlumatda bildirib ki, həmin gün siyasi təşkilatın ofisində keçirilməli olan İsrail əleyhinə simpoziuma mane olub və tədbir baş tutmayıb. Təşkilat, həmçinin bədnam Balfor bəyannaməsinin ildönümü və sionist hərəkatının planlarına həsr olunmuş tədbirə dəvət edilənlərdən üzr istəyib.