Rusiya Baş nazirinin müavini Dmitri Roqozinin ofisindən bir mənbə Rusiya və İranın ABŞ rəhbərliyinin özlərinə qarşı yeni sanksiya qərarından sonra hərbi və texniki əməkdaşlığı gücləndirmək qərarı verdiyini söyləyib.

Adının açıqlanmasını istəməyən mənbənin dediyinə görə, Roqozin bu gün səfər edəcəyi Tehranda İran müdafiə naziri Hüseyn Dehqan ilə yeni silah müqavilələrini müzakirə edəcək.

Roqozinin Tehran səfəri mayda növbəti dövr üçün İran Prezidenti seçilən Həsən Ruhaninin vəzifəsinə başlama mərasiminə təsadüf edəcək.

Xatırladaq ki, Tramp ABŞ Konqresindən veto qoya bilməyəcəyi bir səs çoxluğuyla keçən Rusiya, İran və Şimali Koreyaya qarşı sanksiya layihəsini bu həftə qəbul etmişdi./ eastnews