Fələstinin İslami Cihad Hərəkatının İrandakı nümayəndəsi Nasir Əbu Şərif ABŞ prezidenti Donald Trampın Səudiyyə rejiminə səfərində əsas məqsədinin müsəlmanlar arasında ayrı-seçkilik və fitnə yaratmaq olduğunu bildirib.

Deyerler.org Parstoday-a istinadən xəbər verir ki, Nasir Əbu Şərif mayın 12-də Tehran Beynəlxalq Kitab Sərgisində təşkil olunan "Fələstin və gələcək üfüq" adlı simpoziumunda çıxış edib. "Müsəlman və bölgə xalqları düşmənlərin əsl məqsədinin müsəlmanlar arasında fitnə və ayrı-seçkilik salmaq və Fələstin mübarizəsini unutdurmaq olduğunu bilməlidirlər", - deyə o bildirib.

Nasir Əbu Şərif, həmçinin Qüdsün tamamilə azad olunmayana qədər Fələstin xalqının müqavimətinin davam edəcəyini vurğulayıb. O, sionist İsrail rejiminin həbsxanalarında fələstinli əsirlərin aclıq aksiyalarının davam etməsinin böyük bir inqilab olduğunu bildirib.