FransPress-in verdiyi məlumata görə, Vaşinqton, Nyu-York, Boston, Filadelfiya, Siatel, San Fransisko, Los-Anceles, Çikaqo, Berkli və digər şəhərlərdə nemayişçilər Trampı vergidən yayınmaqda ittiham ediblər.

Kaliforniya ştatının Berkli şəhərində keçirilən aksiya Donal Trampın müxalifləri ilə tərəfdarları arasında toqquşmalarla nəticələnib.

Berkli polisi 14 nəfərin saxlanıldığını, bir qrup aksiyaçının yaralandığından xəbər verib.

Tramp istisna olmaqla Amerikada prezidentliyə namizədlərin hamısı seçkilərdən öncə öz vergi sənədlərini təqdim etmişlər.

Tramp vaxtıylə Amerikada kimsənin onun vergi sənədlərinə önəm vermədiyini dilə gətirmiş olsa da rəy sorğularının nəticələrinə görə Amerika vətəndaşlarının 74 faizi onun vergi sənədlərinin yayılmasını istəyirlər.