İraqın "Xalq Könüllüləri Ordusu"nun (əl-Həşd əş-Şəəbi) yüksək rütbəli komandirlərindən biri deyib ki, amerikalı hərbiçilər İŞİD terrorçu qruplaşmasının başçısı Əbu Bəkr Bağdadinin Mosulun sağ sahili tərəfdən qaçmasına kömək edib.

 İraqın "Xalq Könüllüləri Ordusu"nun (əl-Həşd əş-Şəəbi) yüksək rütbəli komandiri Cavad ət-Təlibavi "Sumariyya-nyuz" xəbər agentliyinə müsahibəsində deyib ki, əldə etdiyimiz məlumatlara əsasən, amerikalı hərbiçilər İŞİD terrorçu qruplaşmasının başçısı Əbu Bəkr Bağdadinin Mosulun sağ sahili tərəfdən "Əl-Qeyrəvan" rayonuna qaçmasına kömək edib.

 O vurğulayıb: "Bizim kəşfiyyat tağımımız Əbu Bəkr Bağdadinin Mosulun cənubdan 80 km.-liyində yerləşən Əl-Qeyrəvan və əl-Həzər rayonları ərazisində yerdəyişmə halındadır".

 ABŞ-ın müdafiə nazirliyinin (pentaqon) yaydığı məlumata görə isə Əbu Bəkr Bağdadi həftənin 3-cü günü Mosuldan qaçıb və səhralıq ərazilərdə gizlənib.