İraq könüllüləri komandirindən Türkiyə hökumətinə cavab – VİDEO
Posted on : qafqaz 10/16/2017 1:00:16 PM
"İŞİD türkmənlərin namusuna təcavüz etdiyində, uşaqlarını və gəlinlərini əsir götürdüyündə, Türkiyə hardaydı?"
Artıq bir neçə
gündür ki, İraqda Mosul əməliyyatlarına başlanılıb. Artıq ilkin qələbələr də
var, ilkin məlumatlara görə, 11 kənd İŞİD-in işğalından azad olunub. Ancaq
Mosul əməliyyatı Türkiyənin ittihamları ilə də yadda qaldı. Rəsmi Ankara şiə
könüllülərinin əməliyyatda iştirak etməsinə qarşı çıxıb. Eyni zamanda Türkiyə
ordusunun da bu əməliyyata qatılmasını tələb edib. Ancaq mərkəzi İraq hökuməti
Türkiyə ordusunun Mosul əməliyyatına qarşı çıxıb. Nəticədə Türkiyə ordusu
birbaşa Mosul əməliyyatına qatılmayıb. Prezident R.T.Ərdoğan da çıxışında
Mosulun azad edilməsi əməliyyatında şiə könüllülərinin (Həşdi əl-Şabi) qüvvələrinin
iştirak etməsinə qarşı olduqlarını bildirib.
FaktXeber.com-un
verdiyi məlumata görə, Haşdi Əl-Şabinin (şiə könüllü dəstələrinin) 16-cı türkmən
tuqayının komandiri bununla əlaqədar olaraq Türkiyə hökumətinə səslənib.
O ilk öncə
Türkiyə xalqının şərəfli, gözəl bir millət olduğunu vurğulayıb: "Biz də
türk millətinin bir parçasıyıq və bununla fəxr edirik."
Bununla belə,
komandir Ankara hökuməti ilə prorblemləri
olduğunu deyib: "İŞİD İraqa girəndə Ərdoğan hardaydı? Bu Türkiyə hökuməti
deyildimi ki, İŞİD 500 min əhalisi olan
Təlafirə girəndə, neçə-neçə türkmən kəndlərini ələ keçirəndə, bu hökumət
tək bir tənqid bəyanatı belə yayınlamamışdı. O vaxt hardaydılar? Niyə bu qədər
gözlədilər? Təlafirdə qətledilənlər türkmənlər deyildi? İndi biz kərkük türkmənləri
olaraq bir birlik yaratmışıq, gəlib buna kömək etmələrimi lazımdır, yoxsa
qarşısına keçib Mosulu bəhanə etmələrimi?"
Komandir
bildirib ki, artıq tükmənlərin gücü var və onlar bütün ölkəni müdafiə edəcəklər:
"Bu, bizim ən təbii haqqımızdır. Biz həmin vaxt bütün qonşularımızdan kömək
istədik. Bütün dünyaya yardım fəryadları göndərdik: "Gəlin bizə yardım
edin, evimizə atəş düşüb", - deyə nalə çəkdik. O gün o atəşi söndürməyən,
bu gün o atəşi iraqlıların söndürməyə
başladığını görən Türkiyə indimi bizə sahib çıxacaq? Onlar həqiqətdə türkmənlərimi
müdafiə edəcək? Bu qardaşı müdafiə etmək deyil. Biz əskəri birliyin adını türkmən gücü qoymuşuqsa, ilk olaraq Türkiyənin bizə kömək etməsi lazım idi. Çünki
türkmənlərin heç gücü yox idi. Türkmənlər
heç vaxt belə imkana qovuşmamışdır. Bu
Allahın böyük bir neməti idi ki, son iki il içində türkmənlər
böyük gücə qovuşdular. Sadəcə türkmənlər deyil, digər millətləri də,
bütün İraqı müdafiə edə biləcək hala gəlib.
Bu müddətdə Türkiyənin bizə heç bir dəstəyi olmadı, əksinə qarşı qrupları da dəstəklədilər.
500 min nəfərlik bir türkmən şəhəri , hansı ki, özü də Türkiyəyə çox yaxındır,
Ankara ora çox rahatlıqla kömək edə bilərdi, bunu etmədi. İŞİD ora girərkən,
türkmənlərin namusuna təcavüz etdiyində, uşaqlarını və gəlinlərini əsir
götürdüyündə, Türkiyə hardaydı? İŞİD türkmən ellərini viran edib, xarabalığa çevirdi. Türkiyə o
torpaqları türkmən olaraq görmürmü? Eyni halda biz Kərkükdə bu qədər təşkilat yaratdıq. Ankara bizi görməzdən gəldi.
Biz onlardan bir şey istəmirdik, ən azından təbrik etmələri kifayət idi. İllər
böoyu biz çox mhdud imkanlarla İŞİD-ə qarşı dirənə bildik. Bu gün artıq dünənə
bənzəmir. Bugün bir çox nöqtələrdə döyüşə
biləcək gücdəyik".
"İraqda Kərbəla
hadisəsinin təkrarlanmasına izn verməyəcəyik", - deyə 16-cı türkmən
tuqayının komandiri sözlərini yekunlaşdırıb.