Rus mediasına istinadən, Rusiya Federasiyası Xarici İşlər Nazirliyinin Silahlanmanın Yayılmaması və Nəzarət Məsələləri Departamentinin direktoru Mixayil Ulyanov bildirib ki, Moskva İŞİD terror təşkilatının İraqda amerikalı və iraqlı hərbçilərə qarşı həqiqətən kimyəvi silahdan istifadə etməsini istisna etmir. Terroçuların bu hərəkətlərinə qarşı tədbirlər görmək lazımdır.

"Mən hesab edirəm ki, hər şey həqiqətə yaxındır. İŞİD üzvləri Suriyadan əlavə İraqda da dəfələrlə kimyəvi silahdan istifadə ediblər. Bunlar qeydə alınmış faktlardır.", - deyə o bildirib.

"Bu kimyəvi terrorizmə qarşı təkcə regional - Suriya və İraq səviyyəsində yox, həmçinin qlobal səviyyədə də təcili tədbirlərin qəbul edilməsinə dair əlavə sübutdur.", - deyə Ulyanov əlavə edib. / İslamazeri