İran-Azərbaycan birgə ticarət forumu
Posted on : Digər sahələr 10/16/2017 1:00:15 PM
İran və Azərbaycan iş adamlarının iştirakı ilə Bakıda iqtisadi əlaqələrin genişləndirilməsi, birgə layihələrin icrası və müştərək sərmayə qoyuluşları barədə forum keçirilib.
İRİB-nin
Bakıdan verdiyi məlumata görə, Bakıda 2-ci ixtisaslaşdırılmış İran sərgisinin
keçirilməsi ilə bir zamanda baş tutan bu forumda iki ölkənin özəl sektor fəalları
neft və qaz, neft-kimya, tikinti, enerji, su və elektrik enerjisi, texniki-mühəndislik
xidmətləri üzrə əməkdaşlıq yollarını
araşdırıblar.
İranın sənaye,
mədən və ticarət nazirinin müavini Cəfər Sərqini bu barədə deyib: İki ölkə
arasında əldə edilmiş anlaşmaya əsasən iqtisadi əlaqələrin genişləndirilməsi
üçün özəl sektora əlavə dəstək və güzəştlər nəzərdə tutulub.
Azərbaycanın
İxracat və İnvestisiyanın İnkişafı Birliyinin sədri Rüfət Məmmədov da bu
forumda cari ilin ilk 7 ayında İran və Azərbaycan arasındakı ticarət mübadiləsinin
həcminin 70% artmasına işarə edib və deyib: Birgə iqtisadiyyat komissiyalarının
fəaliyyəti nəticəsində iki ölkənin ticarət əlaqələri genişlənməkdədir.