rus mediasına istinadən, Türkiyə Respublikasının Prezidenti Rəcəb Tayyib Ərdoğan BMT Baş Assambleyasında iştirak etmək üçün ABŞ-a edəcəyi səfər çərçivəsində koalisiyanın Suriya ordusu mövqelərinə endirdiyi aviazərbləri müzakirə etmək niyyətində olduğunu bildirib.

 

Xatırladaq ki, Rusiya Federasiyası Müdafiə Nazirliyi daha əvvəl bildirmişdi ki, beynəlxalq "anti-İŞİD koalisiyasının" təyyarələri, Deyr-əz-Zor yaxınlığında İŞİD terror təşkilatı silahlılarının mühasirəsində olan Suriya ordusuna 4 zərbə endirib. 62 hərbçi həyatını itirib, təxminən 100 nəfər isə yaralanıb.

 

"ABŞ koalisiyanın Suriya ordusu mövqelərinə endirmiş olduğu hava zərbəsi haqda bəyanatla çıxış edib. Bəyanatda deyilir ki, bu hadisə səhvən baş verib. Əlbəttə, səfərim zamanı mənim birinci mənbələrdən hər şeyin necə baş verməsi haqda öyrənmək fürsətim olacaq.", - deyə ABŞ-a yola düşməmişdən öncə Ərdoğan jurnalistlərə bildirib.. / İslamazeri