ABŞ hökumətindən Ərdoğana qadağa
Posted on : Digər sahələr 10/16/2017 1:00:34 PM
ABŞ hökuməti Türkiyə prezidentinin mühafizəçilərinə silah satışını dayandırıb.
Türkiyə prezidenti Rəcəb Tayyib
Ərdoğanın mühafizəçilərinin 16 mayda Vaşinqtonda etirazçılara hücum etməsindən
sonra, 1 milyon 200 min dollar dəyərində kiçik silahların Türkiyə Prezident
Aparatının mühafizəçilər korpusuna satılması üçün Siq Soer silah istehsalı şirkətinin
müqavilə imzalamasının qarşısı alınıb.
Türkiyə prezidentinin 16 nəfərlik təhlükəsizlik
komandası Türkiyə səfirinin Vaşinqtondakı iqamətgahı qarşısında bir neçə
etirazçıya hücum etməkdə təqsirli hesab olunublar.
Etirazçıları terrorçu adlandıran
Ərdoğan cari ayın əvvəllərində ABŞ tərəfindən mühafizəçilərinin təqsirli hesab
olunmasına qərar verilməsini tənqid edib və deyib: Bu dosye ABŞ-ın məhkəmə
sisteminin funksiyasının gülünclüyünü əks etdirdi.