Amerika baharı! - ƏTRAFLI
Posted on : Digər sahələr 10/16/2017 1:00:27 PM
Müsəlman ölkələr İslam aləminin başındakı ən böyük bəla olan ABŞ-la bir yerə toplaşacaq... Təəssüf ki; "məzlumlar", "zalim" ilə bir araya gəlməyi "yeni bir səhifə" və "tarixi" olaraq görür.
İllərdir Türkiyənin
tanış olduğu cümlələr, indi də Ərəb dünyasına əzbərlədilir. Ərəb Baharı ilə
Yaxın Şərqdəki tarazlıqları alt-üst edən ABŞ bu qədər cinayətinə baxmayaraq hələ
də İslam aləmində "ümid" (!) olaraq görülür! ABŞ Prezidenti Donald
Trampın "ABŞ-İslam Ölkələri Sammiti"nə təriflər yağdırılır. Ev sahibi
ölkənin xarici işlər nazirinin "Keçiriləcək sammitlər ABŞ ilə Ərəb və
İslam ölkələri arasındakı münasibətlərdə yeni bir səhifə açacaq tarixi bir
hadisədir",- ifadəsindən istifadə etməsi diqqət çəkdi. İslam coğrafiyası
Ərəb Baharından sonra bir də "Amerika Baharı" bəlasına yelkən açmaq
nöqtəsinə gəlib!
"İKİ
TƏRƏFƏ" DƏ XİDMƏT EDƏCƏKMİŞ!
"Milli Gazete"yə istinadən ,
Səudiyyə Ərəbistanının xarici işlər naziri Adil əl-Cübeyr ABŞ Prezidenti Donald
Trampın sammit çərçivəsində 20-21 mayda səfər edəcəyini deyib. "ABŞ-İslam
Ölkələri Sammiti"nin tərəflər arasında terrorizmlə mübarizə və "iki tərəfə
də xidmət edəcək" bir tərəfdaşlığın inşasında yeni bir əməkdaşlığa imkan
yaradacağını müdafiə edən Cübeyr "37 dövlət başçısı ilə 6 baş nazirin iştirakını
gözləyirik. Daha öncə keçirilən sammitlərdə bu rəqəmə çatılmayıb. Bu da bu
tarixi zirvə görüşünün nə qədər əhəmiyyətli olduğunu göstərir",- deyə
danışıb. Nazir Kral Salman ilə Tramp arasında baş tutacaq sammitin iki ölkə
arasında "strateji müttəfiqliyi" gücləndirəcəyini iddia edib.
TÜRKİYƏDƏ ÇOX
MÜZAKİRƏ EDİLƏN VAŞİNQTON ZİYARƏTİNDƏ VERİLƏN MESAJLARIN BƏNZƏRLƏRİ ƏRƏB
DÜNYASINDAN YÜKSƏLİR...
Adil əl-Cübeyr Səudiyyə Ərəbistanının ABŞ-ın bütün dünyada oynadığı rol;
terrorla mübarizə, İranın "təcavüzkar" siyasətinin qarşısını alma və ənənəvi
müttəfiqlərlə yenidən əlaqə qurmaq məsələsində ABŞ ilə "fikir
birliyi" içərisində olduqlarını vurğulayıb. "Körfəz ölkələri-ABŞ
sammiti"nin 2015-ci ildəki Kemp Devid və 2016-cı ildəki ər-Riyad zirvə
görüşündən sonra üçüncü zirvə olacağını və tərəflər arasında strateji əlaqələri
inkişaf etdirəcəyini dilə gətirən xarici işlər naziri gələcək günlərdə
"NATO bənzəri" İslami bir hərbi ittifaqın yaradılmasına dair fikirlərin
gündəmə gəldiyini söyləyib.
ABŞ - İSLAM ÖLKƏLƏRİ SAMMİTİ
Səudiyyə Ərəbistanının 20-21 mayda ev sahibliyi edəcəyi 4-cü zirvə Tramp ilə Səudiyyə
Ərəbistanı Kralı Salman bin Əbdüləziz, Ərəb və İslam ölkələri liderləri, Körfəz
ölkələri liderləri zirvəsi və Körfəz Əməkdaşlıq Şurası ölkələri ilə keçiriləcək
məşvərət zirvələrindən ibarətdir./