Türkiyə Suriyada hökumətə və kürdlərə qarşı döyüşəcək yeni qruplaşma yaradıb
Posted on : Digər sahələr 10/16/2017 1:00:24 PM
Türkiyənin Şanlı-Urfa şəhərində “Fərat və Cəzirə Qəbilələrinin Baş Konqresi” adı altında keçirilən toplantı çərçivəsində Suriyada hökumətlə və kürdlərlə döyüşmək üçün yeni və böyük bir qruplaşma yaradılıb.
Suriya mətbuatına
istinadən, yeni qruplaşmanın adı “Cəzirə və Fərat Ordusu”dur ki onun əsas hədəfi
Suriya hökuməti və kürd bölmələri ilə döyüşmək olacaq.
Əlli nəfər
suriyalı qəbilə başçısı və silahlı qruplaşmaların liderləri və fəalların
iştirakı ilə keçirilən sözügedən toplantının bəyanatında Rəqqada, Həsəka
və Dirazzurda olan kürd, ərəb, sünni və şiə fəallarından istənilib ki “Fərat və
Cəzirə Qəbilələrinin Ordusu”na birləşsinlər.
Bəyanatda deyilir:
“Bəşər Əsədi
devirmək, İran, Rusiya və Hizbullah işğalçıları ilə mübarizə üçün, bölgəni PYD
silahlılarından və İŞİD terror qruplaşmasından təmizləmək üçün Fərat və Cəzirə
Qəbilələrinin Ordusunu təsis edirik”
Bəyanatda əlavə
edilib ki, “Fərat və Cəzirə Qəbilələrinin Ordusu” “Azad Suriya Ordusu”nun
tabeçiliyində döyüşəcək.
Ekspertlərin
fikrinə görə Türkiyənin belə bir addım atması Suriyada kürd bölmələrinin və
Suriya Ordusunun İŞİD-ə qarşı irəliləməsindən sonra, İŞİD-in bölgədən silinməsinin
qətiləşməsi, Suriyada hakimiyyətə qarşı döyüşən ən-Nusra Cəbhəsi və sairlərinin
kontroldan çıxması və bir-birilə döyüşə girməsindən sonra həyata
keçirilir. / İslaminSesi