İŞİD-in məşhur cəlladı "Cihadçı Tolik" öldürüldü
Posted on : Digər sahələr 10/16/2017 1:00:17 PM
O İraqın Mosul şəhərində məhv edilib.
"Islam Today"-ə istinadən
verdiyi xəbərə əsasən, İraqın Mosul şəhərində daha çox "Cihadi Tolik"
kimi məşhur olan İŞİD terrorçusu Anatoliy Zemlyanka məhv edilib. İŞİD terror təşkilatının
cəlladı Mosul şəhərinin azad edilməsi üçün keçirilən əməliyyat zamanı məhv
edilib.
Xatırladaq ki, bu rusiyalı terrorçu
internetdə yayılmış videonun hesabına məşhur olub. Belə ki, həmin videoda o 23
yaşlı Maqomed Xasiyevin başını kəsərək onu vəhşicəsinə qətlə yetirib. Qeyd edək
ki, Xasiyev İŞİD əleyhinə casusluqda ittiham edildiyinə görə öldürülümüşdü.
Zemlyankanın 2013-cü ildə Suriyaya
getdiyi bilinir. O orada İŞİD terror təşkilatına qoşulub.
Hüquq-mühafizə orqanlarının məlumatına əsasən,
o hələ Yaxın Şərqə getməmişdən öncə, öz doğma Noyabrsk şəhərində aktiv şəkildə
dini-ekstremist ədəbiyyatın yayılması və İŞİD cərgələrinə üzv toplamaqla məşğul
olub.
"Cihadçı Tolik"in öz iki
dostunu da təşkilata üzv etdiyi məlumdur.