Bəzi tarixçilər İmam Hüseynin əsir götürülmüş Əhli-beytinin Şama aparılmasının Məhərrəmin 14-ə bəziləri isə 19-a təsadüf etdiyini deyirlər.

“Əbsarul-Eyn fi Ənsarul-Huseyn” və “əl-Vəqaye əl-Həvadis” əsərlərində əsirlərin Şama aparılmasının Məhərrəm ayının 19-dan başlandığı deyilir.

Rəvayətlərə görə Kərbəla əsirlərinin arasında olanlardan yalnız Bəni-Haşimlilər Şama aparıldı. Bəni-Haşimlilərdən olmayan qadın əsirlər isə müxtəlif vasitəçiliklərlə azad edildilər.

Tarixçilər yazır ki, Bəni-Haşimdən olmayan qadınların tayfaları Kufənin lənətlənmiş valisi Ubeydullah ibni Ziyadaın yanına gələrək onların qohumlarının və yaxınlarının azad edilməsini istədilər. Bundan sonra Ubeydullah ibni Ziyad o tayfalardan müxtəlif vədlər alaraq, onların əsirlərini buraxdı.

Kərbəla əsirləri səfər ayının əvvəllərində Şama çatdılar. / islaminsesi