Suriyada növbəti faciə: Koalisiya qırıcıları dinc sakinlərin ölümünə səbəb oldu
Posted on : Digər sahələr 10/16/2017 1:00:16 PM
Hadisə Hələb əyalətində baş verib.
Rus mediasına
istinadən, Suriyadakı Düşmən Tərəflərin Barışdırılması üzrə Rusiya Mərkəzinin məlumat bülletenində deyilir ki, Suriyanın Həssəcək
rayonunda endirilmiş zərbə nəticəsində 6 nəfər həyatını itirib, daha 4 nəfər isə
yaralanıb. Adıçəkilən ərazidə Belçikaya məxsus 2 ədəd F-16 qırıcısı qeydə
alınıb.
Hələb əyalətinin
Afrin şəhərinin yerli şurasının nümayəndələrindən Rusiya Mərkəzinə daxil olmuş
məlumata əsasən, oktyabr ayının 18-i təxminən gecə saat 03:00 radələrində Həssəcək
kəndinə hava zərbəsi endirilib.
"Bombardman
nəticəsində iki yaşayış binası dağılıb, 6 nəfər həlak olub, daha 4 nəfər isə
müxtəlif dərəcəli bədən xəsarəti alıb. Rusiya HKQ təyyarələri və ya Suriya HHQ
adıçəkilən ərazidə olmayıblar. Oktyabr ayının 18-i Həssəcək kəndi ərazisində
beynəlxalq koalisiyanın təyyarələri əməliyyat keçirib. Həmin vaxt hava şəraitinə
(vəziyyətinə) nəzarət vasitələri tərəfindən adıçəkilən ərazidə Belçika Krallığı
HHQ-sinə məxsus 2 F-16 qırıcısı qeydə alınıb.", - deyə Rusiya Müdafiə
Nazirliyinin saytında yerləşdirilmiş sənəddə deyilib./islamazeri