ABŞ Müdafiə Nazirliyinin (Pentaqon) Suriyada Ayn əl-Ərəbin cənub istiqamətində 35 km məsafədə bir neçə ay əvvəl tikintisinə başladığı hərbi baza tamamlanaraq, istifadəyə verilib. İki Amerika yük təyyarəsinin bazaya hərbi ləvazimat göndərdiyi diqqətə çatdırılıb. İçində hava limanının da yerləşdiyi baza PKK-nın Suriya qolu PYD/YPG-yə hərbi yardım ləvazimatları daşımaq üçün istifadə edilməyə başlanıb.

Mərkəzi Ərbildə olan və Türkiyədə də yayımlanan kürd xəbər agentliyi "Basnews"a danışan və adının açıqlanmasını istəməyən PYD-nin silahlı qolu YPG-dən bir mənbə bu mərkəzin Ayn əl-Ərəbin cənubunda olduğunu, buranı YPG qüvvələrin qoruyacağını deyib. Sözügedən bazanın İncirlik bazasındakı F-16 və F-10 tipli döyüş təyyarələri ilə ABŞ-ın C17 və C130 tipli logistika təyyarələrinə uyğun bir eniş sahəsi olaraq dizayn edildiyi bildirilir.