General Səlami: Sepah-ın milli təhlükəsizliyin təmini üzrə gördüyü tədbirlər təhrikedici deyil
Posted on : Digər sahələr 10/16/2017 1:00:15 PM
Bütün dünyaya elan edirik ki, öz quru, dəniz və hava sərhədlərimizi qorumaq, milli təhlükəsizliyi təmin etmək üçün lazım olan bütün tədbirləri görürük.
İran İslam İnqilabı Keşikçiləri Korpusu "Sepah"ın baş
komandan əvəzi deyib: Bütün dünyaya elan edirik ki, öz quru, dəniz və hava
sərhədlərimizi qorumaq, milli təhlükəsizliyi təmin etmək üçün lazım olan bütün
tədbirləri görürük. Amma, bu tədbirlər təhrikedici deyil.
İRİB-nin verdiyi məlumata görə, general Hüseyn Səlami bazar günü
qonağı olduğu İranın Xəbər Telekanalında deyib: Müdafiə bizim işimizin
mahiyyətidir və Sepah qüvvələri Fars Körfəzində, Hörmöz boğazında və Oman
dənizindəki bütün gəmilərin hərəkətini izləməlidir.
O əlavə edib: İranın önləyicilik qüdrəti elə bir səviyyədədir ki,
düşmənlər xüsusi ilə də Amerika daim bu məsələyə ehtiyat və ehtiram, qorxu və
iztirab ilə yanaşır.
General Səlami həmçinin deyib: Amerikalılar və sionistlər ötən 38
ildə 14 müsəlman ölkəsinə hücum edib və regionda 12 müharibə başladıblar. Əgər
bizim önləyici qüdrətimiz olmasaydı, amerikalılar bizimlə bu cürə rəftar
etməzdilər.
Sepah-ın baş komoandan əvəzi əlavə edib: Əgər müdafiə qüdrətimiz
olmasaydı, amerikalılar nüvə məsələsində hərbi seçimi buraxıb, masa arxasına
əyləşməzdilər.
General Səlami daha sonra deyib: İstənilən zamanda, istənilən
məkanda, istənilən səviyyədə, istənilən dağıdıcılıq qüdrəti ilə düşmənin
təhdidlərini cavablandıra, mənafeyini hədəfə ala bilərik.
Sepah-ın baş komandan əvəzi düşmənin İranın müdafiə potensialından
xəbərdar olduğunu deyərək, əlavə edib: Düşmənin hesablamalarının yanlış
olmaması üçün, mümkün olduğu qədər müdafiə qüdrətinin bəzi nümunələrini nümayiş
etdiririk, Əlbəttə, bizim müdafiə qüdrətimizin görünməyən cəhəti daim görünən
cəhətindən xeyli çoxdur.
General Səlami əlavə edib: Qüdrətimizi o qədər artırmışıq ki,
düşmənləri önləməyi bacarmışıq. İndi onlar yaxşı bilirlər ki, bundan sonra bu
həqiqət ilə yaşamağa məhkumdurlar.
Sepah-ın baş komandan əvəzi İslam İnqilabının Böyük Rəhbərini, xalqı
və imanı İranın ən mühüm qüdrət dayaqları adlandırıb və deyib: Bu dayaqların
bir-birinə bağlı olduğu zamana kimi İranı heç bir təhlükə gözləmir.