Qədir, Peyğəmbərin Al-Səud və Əl-Bağdadilərin qarşısında tarixi tədbiri idi
Posted on : Əqidələr 10/16/2017 1:00:15 PM
Hövzə və universitet ustadı: Qədir, Peyğəmbərin Al-Səud və Əl-Bağdadilərin qarşısında tarixi tədbiri idi. Birinci hissə
vahabilik müxtəlif yollarla imamətin rolu və pak əimmələrin
rəhbərliyini aradan aparmaq, ilahi vilayəti adi hal kimi qiymətləndirmək və Üməvi
xilafəti vasitəsilə əvəz etmək əzmindədir. Onlar Al-Səud və Əbubəkr Bağdadi
hakimiyyətini qanuniləşdirməyə çalışırlar. Imamət və vilayət ongünlüyü münasibətilə
və Qədir-Xum bayramı ərəfəsində Əlmüstəfa beynəlxalq araşdırmaların tədqiqatçısı
höccətülislam Məhəmmədəli Qumidən vahabiliyin Qədir mövzusundakı şübhələrinə
dair müsahibə almışıq. Hövzə və universitet ustadının müsahibəsini veririk:
Vahabilərin fikrincə Peyğəmbər-Əkrəm özündən sonra xəlifə təyin etməmiş və bu
işi xalqın sərəncamına vermişdir. Bu şübhənin faktiki cavabı nədir? Təəssüf ki,
vahabilər müxtəlif yollarla imamətin rolunu və pak əimmələrin rəhbərliyini
aradan aparmağa və ilahi vilayəti adi hal kimi qiymətləndirməyə və Üməvi xilafəti
ilə əvəz etməyə və Al-Səud və Əbubəkr Bağdadi hakimiyyətini qanuniləşdirməyə
çalışırlar. Bu mövzunu izah etmək üçün deməliyik ki, bununla əlaqədar birinci
sual budur: görəsən Peyğəmbər özündən sonra xilafət haqqındakı ixtilaf və hadisələri
bilirdi, yoxsa bilmirdi? Bu haqda Quran-Kərim açıqlayır ki, Allahın peyğəmbərləri
qeybi bilirdilərI. Allah Cin surəsinin 26 və 27-ci ayələrində deyir: "O,
qeybi biləndir və heç kimə onun sirlərini bildirməz. Seçdiyi peyğəmbərlərdən
başqa. O peyğəmbərlərə öndən və arxadan gözətçi təyin etmişdir". Bu ayədə
vurğulanmışdır ki, qeybə aid bütün elmlər Allaha məxsusdur. Lakin mərhəmət göstərdiyi
adama da verir. Rəvayətlərdən də belə bir qənaətə gəlmək olur ki, Peyğəmbər
xilafət məsələsindəki bütün fitnə və çarpışmaları bilirmiş. O cümlədən bir rəvayətdə
deyir: mənim ümmətim yetmiş üç firqəyə parçalanar. Onlardan yalnız bir firqə
Behiştə, yetmiş ikisi isə Cəhənnəmə gedər(İnbi-Macə sünəni, II cild, səh. 1322,
Türmüzi sünəni, IV cild, səh. 134). Beləliklə Peyğəmbər (s) bu ixtilafların
qarşısını almaq üçün müəyyən tədbirlər görmüşdü. Burada, Peyğəmbərin o fəsadla
qarşılaşmaq üçün məsuliyyət hiss etməsi və həll yolu təyin etməsi haqda üç
ehtimal vermək olar: sözün davamı ikinci hissədə...