İranın Ərəbistanın iddialarına reaksiyası
Posted on : Digər sahələr 10/16/2017 1:00:15 PM
İran İslam Respublikasının BMT-dəki daimi nümayəndəliyi İranın Yəmənə silah göndərməsi ilə bağlı Ərəbistan tərəfindən səsləndirilən iddiaları rədd edib.
İranın BMT-dəki
daimi nümayəndəliyi şənbə günü bir bəyanat yayaraq, İranı Yəmənə silah göndərməkdə
və Təhlükəsizlik Şurasının 2216 saylı qətnaməsini pozmaqda ittiham edən Ərəbistanın
iddiasını əsassız adlandırıb və Ər-Riyadın bu kimi iddialar ilə Yəməndəki cinayətlərini
ört-basdır etməyə səy göstərdiyini bildirib.
Bəyanatın
davamında deyilir: Ərəbistan bir il yarımdır ki, məntiqsiz, bərabər olmayan və
geniş bir müharibəyə daxil olaraq, Yəmən xalqına qarşı inkarı mümkün olmayan
cinayətlər törədir, sivil əhali, qadınlar, uşaqlar və yaşlı insanlarıqırğın
edir.
İranın BMT-dəki
daimi nümayəndəliyinin bəyanatında həmçinin deyilir: Yəmən xalqını qırğın etmək
üçün onlarla milyard dollar silah və hərbi sursat satın alan Ərəbistanın
silahla bağlı BMT TŞ-yə şikayət etməsi həqiqətən heyrətləndiricidir.
Bəyanatın
sonunda deyilir: İran İslam Respublikası Yəməndə hərbi həll yolunun olmadığına
inanır və daim döyüşlərin dayandırılmasını və ixtilafların müzakirə yolu ilə həll
edilməsini vurğulayıb.