Ötən gecə Suriyanın cənubunda yerləşən Dərəa şəhərində nisbi sakitlik hökm sürüb. Belə ki, Qərbi Quta bölgəsində olan terrorçular Dəmşq şəhərinə danışıqlar üçün nümayəndə göndərib.

 

Bir neçə saat davam edən danışıqlardan sonra silahlı qruplaşmaların təmsilçisi ilə Suriya hökumət nümayəndələri arasında razılıq əldə edilib. Razılığa əsasən bir qrup silahlı Suriya Prezidentinin amnistiya aktından istifadə edəcək, digər terrorçular isə beynəlxalq təşkilatların vasitəsi ilə Suriyanın şimalına göndəriləcəklər.

 

Silahlı dəstə üzvlərinin amnistiyası və köçürülməsindən sonra rəsmi olaraq Dərəa şəhərinin 5 il şiddətli müharibədən azad olunma xəbəri elan ediləcəyi bildirilir.

 

Suriya hökuməti şəhərin bərpa edilməsi və əhalinin oraya qayıtması üçün əlindən gələni edəcəyini bəyan edib./eastnews/