İŞİD-ə əsir düşən amerikalı qızın ölümündən sonra görüntüləri yayıldı - Video
Posted on : Digər sahələr 10/16/2017 1:00:13 PM
İŞİD-ə əsir düşən amerikalı qızın ölümündən sonra görüntüləri yayıldı - Video
İŞİD tərəfindən
qaçırılan və hava hücumu nəticəsində həyatını itirən amerikalı yardım işçisi
Kayla Muellerin terror təşkilatın əlində əsir olduğu dövrdə çəkilən videosu
yayımlanıb.
Suriyada
2013-cü ildə qaçırılan və ötən ilin fevralında həyatını itirən Muellerə aid
görüntülər ailəsinin icazəsi ilə “ABC” televiziyasında yayımlanıb. İŞİD tərəfindən
Muellerin ölümündən 18 ay əvvəl Arizonadakı ailəsinə göndərildiyi bildirilən
videoda 25 yaşındakı yardım işçisi "Yardımınızı istəyirəm. Uzun müddətdir
ki, buradayam, xəstəyəm. Bura çox qorxuludur", - deyib.
Qara hicab
taxan və olduqca zəifləmiş olduğu görünən Mueller əsir qaldığı dövrdə İŞİD
lideri Əbubəkr əl-Bağdadi ilə evlənməyə məcbur edilib, təcavüzə və işgəncəyə məruz
qalıb. Mueller ötən il təşkil olunan hava hücumunda həyatını itirib.
Bu arada Kayla
Muellerin ailəsi qızları üçün qurduqları fonda ABŞ Prezidenti Barak Obamanın
söz verməsinə baxmayaraq, hələ də ianə vermədiyini deyib. Ağ Evdən verilən
açıqlamada ianənin hələ verilmədiyi təsdiqlənib.