Sağçı lider ölkəni İslamdan təmizlənəcəyinə söz verdi
Posted on : Digər sahələr 10/16/2017 1:00:13 PM
Sağçı lider ölkəni İslamdan təmizlənəcəyinə söz verdi
Hollandiyada
ifrat sağçı siyasətçi Geert Vilders rəhbərliyindəki PVV proqramında ölkədəki məscidləri
bağlamağı, Qurani-Kərimi qadağan etməyi və qaçqınlara verilən yaşayış icazələrini
ləğv etməyi vəd edib.
Geert Vilders rəhbərliyindəki
Azadlıqlar Partiyası (PVV) “Facebook”dan ictimaiyyətilə bölüşdüyü bir səhifəlik
partiya proqramında İslam əleyhdarlığını yeni səviyyəyə qaldırıb. Əsas vədi
Hollandiyanın "İslamdan təmizlənilməsi" olan proqramda ölkədəki məscidlərin
bağladılacağı, Qurani-Kərimin qadağan olunacağı və qaçqınların yaşama icazələrinin
ləğv ediləcəyi vədi verilib. Partiyanın lideri Vilders proqram layihəsini
“Twitter” hesabından da bölüşüb.
“Hollandiya
yenidən bizimdir!" başlığını daşıyan proqram 11 maddədən ibarətdir.
"Milyonlarla hollandiyalı ölkəmizin İslamlaşmasından bezdi. Bu qədər kütləvi
köç, terror, şiddət və təhlükə kifayətdir", - sözləri ilə başlayan
proqramın birinci maddəsi "Hollandiyanı İslamdan təmizləyəcəyik"
olub.
İslam ölkələrindən
qaçqın və ya köçkün qəbul etməməyin vəd edildiyi proqramda "Müəyyən bir
dövrdə verilmiş bütün yaşayış icazəslərini geri alacağıq və mühacirət mərkəzlərini
bağlayacağıq", - sözləri yer alıb.
İctimai yerlərdə
hicab qadağası vədi verilən partiya proqramında ictimai nizamı pozan İslami təzahürlərin
qadağan olunacağı da qeyd edilib.
Proqramdakı ən
diqqət çəkən vəd isə "Bütün məscidləri və İslam məktəblərini bağlayıb,
Quranı qadağan edəcəyik", - olub.
PVV proqram layihəsində
Hollandiyanın Aİ-dən çıxarılması, gəlir vergisinin azaldılması, avtomobil
vergilərinin yarıya endirilməsi kimi sözlər də yer alıb.
Ölkədəki digər
siyasi partiyalardan PVV-nin proqramına reaksiya gecikməyib. Xristian
Demokratların lideri Sybrand van Haresma Buma proqramı "Uçuq" və
"İnanılmaz" kimi səciyyələndirib. Fəhlə Partiyasından verilən
açıqlamada isə PVV-nin proqramı üçün "Hollandiya üçün fəlakət planı"
qiymətləndirilməsi edilib.
PVV-nin sözügedən
partiya proqramının hələ layihə olduğu, seçki prosesində bəzi dəyişikliklərə
gedilə biləcəyi qeyd olunub.
Hollandiyada
parlament seçkiləri 2017-ci ilin martında keçiriləcək.