Qazaxıstandakı iğtişaşlarda ölənlərin sayı elan edilib
Qazaxıstandakı iğtişaşlarda ölənlərin sayı elan edilib
Posted on : Digər sahələr 01/16/2022
Qazaxıstanın Baş Prokurorluğu ölkədə baş verən iğtişaşlar zamanı ölən və yaralananların sayını açıqlayıb.
Tashaio.com-ın məlumatına əsasən, şənbə günü keçirdiyi brifinqdə Qazaxıstan Baş Prokurorluğunun Cinayət Prokurorluğu Xidmətinin rəhbəri Serik Şalabayev bildirib ki, iğtişaşlar nəticəsində 225 nəfər ölüb.
"Bu günədək 4 578 zərərçəkənin şəxsiyyəti müəyyən edilib, onlardan 4 353-ü, o cümlədən hüquq-mühafizə orqanlarının 3 393 əməkdaşı yaralanıb. Fövqəladə vəziyyət dövründə 225 ölü ölkə morqlarına çatdırılıb", - S. Şalabayev bildirib.
Prokuror əlavə edib ki, ölənlər arasında 19 polis və hərbçi də var. Açıqlamada ölüm hallarının səbəbləri barədə məlumat verilməyib.