Tashaio.com-ın məlumatına əsasən, Rəcəb Təyyib Ərdoğan Azərbaycandan səfərdən qayıdarkən jurnalistlərin suallarını cavablandırarkən deyib ki, İran sağlam düşüncə ilə hərəkət edərsə, onunla Azərbaycan arasında heç bir problem olmayacaqdır.

Ərdoğan öz fikrini izah etmək üçün əlavə edib: "Azərbaycan prezidenti İlham Əliyev qətiyyətli mövqedədir və heç bir güzəştə getmir. O, ölkəsinin İsrailə heç bir güzəşt etmədiyini söylədi. Və müxtəlif ölkələrlə necə davranırsa, İsraillə də bu cür əlaqələr qurduğunu bəyan etdi”.

Türkiyə dövlət başçısının sözlərinə görə, bu məsələlərdə ölkələr bir-birinin qərar mexanizmlərinə təsir etməməlidir və edə bilməz.

Qeyd edək ki, Ərdoğanın bu açıqlaması Türkiyədə İsrailə məxsus casusluq şəbəkəsinin ifşa olunması fonunda verilib. Digər tərəfdən bu, həm də İsraili uşaq qatili adlandıran Ərdoğanın əvvəlki mövqeyi ilə təzad təşkil edir.

Rəsmi Tehran dəfələrlə bildirib ki, İsrail rejiminin İran sərhədləri kənarında möhkəmlənməsinə dözməyəcək və lazım gələrsə, adekvat tədbirlər görəcəkdir. Ötən ay Xeybər Fatehləri adlı hərbi təlimlər də əslində bunun bir növ anonsu hesab olunur.