Tashaio.com Sputnik-ə istinadən xəbər verir ki, Kremldən verilən açıqlamada, Türkiyə tərəfinin təşəbbüsü ilə Putin və Ərdoğan arasında telefon danışığının reallaşdığı bildirilir: “Bir daha diqqət İdlib gərginliyi azaltma bölgəsindəki vəziyyətə yönəldildi. Vladimir Putin ekstremist qrupların davam edən təcavüzkar hərəkətlərindən ciddi narahatlıqlarını qeyd etdi. Suriyanın suverenliyinə və ərazi bütövlüyünə qeyd-şərtsiz hörmət edilməli olduğu vurğulandı”.

Rusiya və Türkiyə liderlərinin İdlibdəki gərginliyin azaldılması, atəşkəsin təmin edilməsi və terror təhdidinin yox edilməsi üçün nazirliklər arası ikitərəfli danışıqların genişləndirilməsi qərarını verdiyi bildirilib. Liderlər həmçinin müdafiə nazirlikləri arasındakı əməkdaşlığın ciddi şəkildə davam etdiyini də təsdiqləyiblər.