Redaksiyamızın Ərdəbil Əyaləti Mədəni İrs, Əl Sənayesi və Turizm idarəsinin ictimai əlaqələr bölməsinə istnadla verdiyi xəbərə görə, Nadir Fəllahi deyib: “Müəzzinzadə Ərdəbili ailəsinə məxsus tarixi ev Ərdəbilin Tazəşəhr məscidinin yanında yerləşir. Evin mədəni irs kimi qeydiyyata alınması üçün hüquqi və qanuni işləri başa çatdıqdan sonra Mədəni İrs nazirliyi tərəfindən qeydiyyata alınıb.

Mədəni-tarixi ev 26 iyunda qeydiyyata alınmışdı və bu gün İrs Nazirliyi onun qeydiyyatının başa çatdığını elan etdi.”

İdarənin rəhbəri əlavə edib: “Müəzzinzadə ailəsi, xüsusilə də ölkədə incəsənət və din xadimləri kimi iftixar sahibləri Rəhim və Səlim Müəzzinzadələr bu tarixi evdə yaşayıblar.”

Fəllahi bunu da bildirib ki, bu əsər barədə hər hansı müdaxilə, mənimsəmə, yaxud onun xarab olmasına, ya kimliyinin dəyişməsinə səbəb olacaq hərəkət cinayət hesab olunacaq.