İranın Hörmüzqan əyalətinin dənizçilik və liman müəssisələrinin baş direktoru Murad Afifipur, Böyük Britaniyaya aid “Steno İmpero” neft tankerinin yaxın müddətdə azad ediləcəyini bildirib.

Tashaio.com Anadolu-ya istinadən xəbər verir ki, Murad Afifipur İran dövlət televiziyasında verdiyi açıqlamasında, tankerin sərbəst buraxılması qərarının verilməsindən sonra, təxminən 65 gündür İran sahillərində saxlanılan tankerin beynəlxalq sulara istiqamətəndiriləcəyini deyib.

Neft tankerinin İran sularını tərk etməsilə bağlı məhkəmə prosesinin davam etdiyini bildirən Afifipur, tankerin dənizçilik qaydalarını pozması ilə bağlı araşdırmaların davam etdiyini, məhkəmə qərarının da yaxın vaxtlarda elan ediləcəyini qeyd edib.