Rusiya: “ABŞ Suriyadakı neft qaçaqmalçılığı işini İŞİD-dən təhvil aldı”
Posted on : Digər sahələr 07/30/2019
Rusiya ABŞ və onunla birlikdə olan qüvvələrin Suriyadakı qeyri-qanuni neft ticarətini İŞİD-in əlindən alıb öz nəzarətinə keçirdiyini açıqlayıb.
Rusiya ABŞ və onunla birlikdə olan qüvvələrin Suriyadakı qeyri-qanuni neft ticarətini İŞİD-in əlindən alıb öz nəzarətinə keçirdiyini açıqlayıb.
Tashaio.com Sputnik-ə istinadən xəbər verir ki, Rusiya Baş Qərargah Rəhbərliyinin rəsmisi Sergey Rudskoy əldə olunan hərbi kəşfiyyat məlumatlarına əsaslanaraq, Suriya neftinin Fərat çayının şərqinə qaçırılmasında kömək etmələri müqabilində ABŞ-ın müxtəlif ərəb və kürd qüvvələrə silah verdiyini bildirib.
Rudskoy ABŞ-ın təlim keçdiyi yaraqlıların Suriyanın qaz və neft obyektlərini necə məhv edəcəkləri və Suriya hökumət qüvvələrinə necə hücum edəcəkləri barədə hazırlandığını da qeyd edib.
O, Fərat çayının yaxınlığında ABŞ-ın nəzarətində olan bölgələrdə iyun və iyul aylarında 300-dən artıq terror aktı törədildiyini, sözügedən hücumlarda 225 nəfərin həlak olduğunu söyləyib.