İslam Peyğəmbəri (s):

الأَيْدِي ثَلاَثَةٌ؛ سَائِلَةٌ وَ مُمْسِكَةٌ وَ مُنْفِقَةٌ وَ خَيْرُ الْأَيْدِي الْمُنْفِقَةُ

“Üç növ əl var: “Alan, saxlayan və infaq edən (səxavətli) əl. Ən yaxşı əl isə infaq edən əldir.”

(“Tuhəful-uqul”, səh.32.)

Qısa izah

İslam dini ona iman gətirənləri ən yüksək insani səciyyələrə malik olmağa dəvət edərək onları layiqli şəkildə tərbiyə edir. Cəmiyyətdə insanlara qarşılıqlı məhəbbət, mehribanlıq göstərməyi, imkan daxilində öz ehtiyaclarının təmini üçün digərlərinə əl açmamağı və izzətli şəkildə həyat sürməyi öyrədir. Sadəcə digərlərindən nəyi isə istəməyi deyil, ixtiyarında olan vasitələri digərlərinin istifadəsinə verməyi və onların da faydalana bilməsini təmin etməyi tövsiyə edərək insanları belə dünya görüşünə yiyələnməyə dəvət edir.