ABŞ-ın dəstəyi ilə Bəhreynin paytaxtı Manamada təşkil olunacaq iqtisadi sammitə İsrail rejiminin dəvət edilməyəcəyi bildirilib.

Tashaio.com Sputnik-ə istinadənm xəbər verir ki, İsrail rejiminin Kanal 13 televiziyasında gedən xəbərə görə, ABŞ rəhbərliyi 25-26 iyunda Manamada təşkil olunacaq Fələstin mövzulu iqtisadi foruma İsrail rejiminin rəsmilərini dəvət etməmək barədə qərar verib.

Ağ Evdən adı açıqlanmayan bir rəsmiyə istinad olunan xəbərdə, bu qərarın seminarı siyasiləşdirməmək üçün verildiyi qeyd olunub.

Xəbərlə əlaqədar İsrail rejiminin səlahiyyətlilərindən hələ açıqlama verilməyib.

İsrail rejiminin xarici işlər naziri Yisrael Katz verdiyi açıqlamasında onların Bəhreyndəki foruma qatılacağını bildirmişdi.