Fələstin rəsmiləri, İsrail rejiminin Fələstin vergilərinin bir hissəsini saxladığına görə onlara təpki göstərməsi üçün Rusiyaya müraciət edib. Belə bir istəklə Fələstinin baş naziri Muhəmməd Ştaye müraciət etmişdir.

"Tashaio.com"un "lenta.ru" agentliyinə istinadən verdiyi xəbərə görə, o, belə bir müraciəti Rusiyanın Fələstindəki diplomatik missiyanın nümayəndəsi Aydar Aqaninlə görüşü zamanı müzakirə etmişdir. Məlumata əsasən, Ştaye İsrail rejimi tərəfindən ödənilməmiş məbləğlərin ödənilməsinə nail olmaq istəyir. Görüşdə eyni zamanda o, Rusiya vətəndaşlığında olan İsrail rejiminin qeyri-qanuni olaraq yerləşdirdiyi sakinlər haqqında da tədbir görmələrini xahiş etmişdir. Onun sözlərinə görə, Rusiya, Çin, Britaniya və Fransa ərəb ölkələri ilə birgə olaraq beynəlxalq sülh konfransı təşkil etməlidir. Bu konfransın məqsədi, Fələstin böhranının ədalət üzərində hərtərəfli həllinə nail olmadan ibarət olmalıdır.

Bu ilin əvvəlində İsrail rejimi Fələstinə köçürülən vergilərdən 138 milyon dolları saxlamaq niyyətində olduğunu açıqlamışdır.