Dünəndən Bəhreynin paytaxtı Manamada 180 ölkədən olan nümayəndələrinin iştirakı ilə “Qlobal Sahibkarlar Şəbəkəsi”nin konfransı başlayıb.
Tashaio.com xəbər verir ki, Bəhreyn dövləti konfransda İsrail nümayəndələrinin iştirak edəcəklərini bildirməsindən sonra ölkədə buna qarşı etirazlar başlamışdı.
Aksiyalarda hökumətin Fələstini müdafiə etmədiyi vurğulanaraq, işğalçı İsrail rejiminin hansısa rəsmisinin Bəhreynə səfərinin ölkə adına təhqir olduğu qeyd olunmuşdu.
Hətta ölkə parlamenti Ali Məhkəmədən işğalçı rejim nümayəndələrinin vizaların ləğvini istəmişdi ki, məhkəmə bu təklifi rədd edib. Amma konfransa 1 gün qalmış İsrail tərəfi siyasi səbəblərdən konfransda iştirak etməyəcəyini açıqlayıb.
“Reuters” isə əsas səfərin ləğvinə səbəb kimi təhlükəsizlik olduğunu bildirir. Görünən odur ki, İsrail tərəfi ölkədə keçirilən etirazlardan sonra səfəri ləğv etməyi qərara alıb.
