İraqın Əl-Həşduş Şəbi Qurumunun rəhbəri və milli təhlükəsizlik müşaviri Falih Əl-Fayyaz Bağdadda “İŞİD ilə düşüncə və mediada mübarizə" mövzusunda keçirilən konfransda çıxış edərək, Bağdadın xarici hərbçilərin mövcudluğu və ABŞ-ın hərbi bazalar qurmasının əleyhinə olduğunu bildirib.

Tashaio.com Parstoday-a istinadən xəbər verir ki, İraqın baş nazirinin konfransdakı xüsusi nümayəndəsi olan Falih Əl-Fəyyaz, sözlərinin davamında bunları deyib: “İraq digər ölkələrə hücum və işğalçılıq cəhdi üçün istifadə olunmasına qarşıdır.

İraqda xarici əsgərlərlə onlara məxsus bazaların bir yeri yoxdur. Biz İŞİD terrorçularının ideologiyasına qarşı mübarizə məsələsi ilə hərbi təlim sahəsində bölgədəki ölkələrlə əməkdaşlıq etməyə hazırıq”.

Xatırladaq ki, ABŞ-ın Bağdaddakı müvəqqəti işlər vəkili Coy Hud verdiyi açıqlamasında, ABŞ-ın İraq ərazisində heç bir hərbi bazasının olmadığını bildirmiş, Amerika əsgərlərinin yerləşdiyi bütün bazalarda İraq qüvvələrinin də olduğunu demişdi.